×

"Computer science" оқуға арналған ресурстар.

20.01.2018

 

IT саласына деген қызуғышылық күннен-күнге артып келуде. Трендтен қалмайық, бүгін сіздер үшін computer science негіздерін оқып білуге және біліміңізді жетілдіруге мүмкіндік беретін порталдарды талдаймыз.

  •  MIT opencourse.

Барлығымыз үшін жылдың ең үздік жаңалығы болған MIT ашық курстары болғаны сөзсіз. Бұл жобаның ішінен әлемнің ең үздік университетінің бірінен тегін курс ала аласыз. Әр түрлі салада бірнеше сағаттық курстар. Сондай-ақ, бізге керек компьютер ғылымдары бойынша курстарды да таба аламыз. Дәстүрлі бағдарламалау тілдерінен бөлек, алгоритмдерге кіріспе лазер мен оптиканы зерттеуге, бейнежазбаларды және сандық ғасырда авторлық құқық туралы заңдар жайлы біліміңізді тереңдетуге мүмкіндік бар. Бұл сіз үшін тек өзіңіздің біліміңізді IT саласында ғана емес, ағылшын тілінде де сөйлеу қабілетіңізді көтеруге көмек береді.

  • University of Michigan`s courses.

 Университетте “Python” оқу бойынша курстар бар. Сонымен қатар басқа бағдарламалау тілдерінде бағдарламалау бойынша бірқатар курстар бар. Мичиган университетінің теориялық курстарының қатарында - «Интернеттің тарихы, технологиясы және қауіпсіздігі» және «Mindware: ақпараттық дәуірдегі сын тұрғысынан ойлау». MIT курстарына қарағанда бұл онлайн курстар тегін емес, бірақ кейбір бейнелер мен материалдар қолжетімді. Жоба соңында сізге сертификат берілмейді, алайда сіздің біліміңіз әлде қайда жоғарылайтыны сөзсіз.

 

  •   Джон Хопкинс универсітінің курстары.

Джон Хопкинс университетінің онлайн-курстарын әзірлеушілер деректерді зерттеуге арналған бағдарламалар жинағын дайындаумен айналысты. Coursera-дегі бағдарламаларды зерттеп, өзіңіз үшін деректерді талдау және статистикалық талдау бойынша курстардың бірін таңдауға болады. Бұдан басқа, биоинформатика мен геномикаға арналған бағдарламалар бар.